அடங் கொன்னியா......

வணக்கம்! இத்தோட ஏச்சு பேச்சுகளுக்கு விளக்கம் போடுறது இல்லைன்னு சொல்லிப் பதிவும் போட்டுப் பாத்தேன். அன்பர்கள் விட மாட்டேங்றாங்க! போட்டா, எதுக்கு இந்த மாதிரி எல்லாம் எழுதறேன்னும் சொல்லுறாங்க. என்ன செய்யறதுன்னே புரியலை. கோயம்பத்தூர் பொன்னான் ஒருத்தர் வந்து கேட்டதுக்கு மட்டும், இன்னைக்கு பாப்போம். ஏன்னா, மத்ததுக்கு எல்லாம் பதிவுல விளக்கம் போட முடியாது இராசா! தங்கமணி எல்லாம் வந்து, நாம எழுதறதப் படிக்குதல்லோ?!

விளக்கங் கேட்ட பொன்னான் பேரப் பாத்த ஒடனே எனக்கு எங்க ஊர் ஞாபகம் வந்திருச்சு, ஆமுங்க, உடலைப்பேட்டை (உடுமலைப் பேட்டை)தானுங்க நம்ம ஊரு. நம்ம சோட்டாளிக பேரப் பாருங்கோ சித்த:

தங்சு: தங்கவேல்/தங்கராசு
பொன்சு: பொன்னுச்சாமி
ராம்சு: இராமசாமி
கந்சு: கந்தசாமி
ரங்சு: ரங்கநாதன்/ரங்கராசு
ச்சின்சு: சின்னதுரை
பால்சு: பாலவிநாயகன்
திர்றான்: திருமூர்த்தி
செலுவான்: செல்வராசு
கிட்டான்: கிருட்டிணசாமி
பீபிச்சி: பிரபாகரன்
சந்து: சந்திர சேகரன்
மக்கான்: மகேந்திரன்
கோக்சு: கோகுல கிருஷ்ணன்
பெருசு: பெரியசாமி
நட்டு: நடராசு
சுச்சான்: சுரேஷ்
கிச்சு: கிருஷ்ண்ன்
கோந்து: கோயிந்தன்
ஆரான்: ‍‍ஆறுமுகம்
மயில்ஸ்: மயில்சாமி (மயிரான்)
நடயன்: நடராஜ்
ரவியான்: ரவி
சின்னு: சின்னராசு/சின்னச்சாமி
கனகான்: கனகராசு
கீச்மூச்: கிருஷ்ண மூர்த்தி
புச்சான்: புருஷோத்தமன்
நண்டு: நந்த குமார்
ப்ராசு: ப்ரகாஷ
ராக்கி: ராமகிருஷ்ணன்
பத்து பத்மநாபன்

இப்பிடி நெறயங்க! "சுப்பிர மணியா! கொப்பரை வாயா!!"ன்னு ஒரு பாட்டு கூட இருக்கு, இப்ப மறந்து போச்சு! உங்களுக்கு தெரிஞ்சா சொல்லுங்க!! இப்ப எதுக்கு, இந்த ஞாயம் வந்ததுங்ன்னா, அடங் கொன்னியான்னா என்னன்னு கேட்டது ரங்சுங்ற நம்ம பதிவர்தானுங்க. அதான் இந்தப் பேருகள்லா ஞாபகத்துக்கு வந்திச்சு. சரி இப்ப இதுக்கான அர்த்தத்தைப் பாப்போம்.

கொன்னின்னா வந்து குழந்தை பேசுற குளரல். அதான் வாய் திக்கி திக்கிப் பேசுறதை கொன்னிப் பேசுறதுன்னும் சொல்வாங்க. கொன்னை வாயன்னும் சொல்வாங்க. ஆக, தாறுமாறாப் பேசுறவனை கொன்னியான்னு விளிக்கிறது வாடிக்கையாச்சு. அப்புறம் அதுவே, சாதாரணமாவும் பொழங்கற மாதிரி ஆயிடுச்சு. அடங் கொன்னியா, அங்க பாரு கொட்டாய்ல எவ்வளவு கூட்டமுன்னு.

உண்ணாச் சொத்து, மண்ணாய்ப் போகும்!