கனன்றெரியும் திரிகள்

“In this day and age, the digital age, you can forget about a resume; you are what your social media says about you.”

கவ்விக் கொள்பவர்கள் கவ்விக் கொள்ளலாம். தம்நிலை அறியாதோர்க்கு அனுதாபங்கள்.

குழுவுணர்வோடு செயற்படும் போது, தன்னுமை, தம்நிலை இழப்புக்கு ஆளாவது தவிர்க்கவே இயலாது. சொல்வதெல்லாம் சரி போலவும், குழுவுக்கு வெளியிருந்து வரும் கருத்துகள் தவறு போலவும்தான் புலப்படும். அதுதான் mob, echo chamber, manipulation, divide & polarize முதலானவற்றின் அடிப்படை, தோற்றுவாய்.

ஆர்வத்தோடும் பற்றோடும் தன்னார்வத் தொண்டு புரியத்தான் வந்திருப்போம். எங்கிருந்தோ வரும் தூண்டுகோல்கள் தீண்டத் தீண்டத் திரிகளாய் நாம் எரிந்து கொண்டிருப்போம்; இருள் அகற்றிக் கொண்டிருக்கும் ஒளியெனும் செருக்கோடு! 

திரிகள் எரிந்து சாம்பலாகிக் கொண்டேயிருக்க, நிலைபெற்றிருக்கும் விளக்குகள் மட்டும் காலாகாலத்துக்கும் ஒளிதரு விளக்குகளாய்ப் புகழெய்தும். ஒளிதரு விளக்குகளாய்ப் புகழெய்தும். அந்த ஒளியின் வெளிச்சத்தில் தவறுகள் ஏதேனும் நிகழ்ந்து விட்டால், அது திரியின் தவறுதானே! கூடுதலாய் ஒளிர்ந்துவிட்ட திரியின் தவறுதானே?! 

விளக்குக்குச் சேதாரமில்லை, தீண்டும் தூண்டுகோல்கள் இருக்குமிடம் யாரறிவார்?!

இத்தனைக்கும் இடையில், மின்னெழுத்துப் புற்றுகள் மலைபோலப் பெருகியிருக்கும். காலத்துக்கும் அழியாத மின்னெழுத்துப் புற்றுகள், மலைபோலப் பெருகியிருக்கும். எரிந்து எரிந்து தீய்ந்து போன திரிகளின் சாம்பலினால் கட்டியெழுப்பப்பட்ட மின்னெழுத்துப் புற்றுகள் மலைபோலப் பெருகியிருக்கும். 

நீ, நீயாக இருந்து விடு! அறமோங்க இருந்துவிடு! எரிவது நீயாகினும், அமெரிக்கத் தமிழ் விழுமியமென மீண்டெழுவாய்!

“In this day and age, the digital age, you can forget about a resume; you are what your social media says about you.”

வேடிக்கை

நாடளாவிய தமிழ் அமைப்பிலிருந்து கிடைக்கப் பெற்ற மடலின் நிழற்படத்தை நண்பர் அனுப்பி இருந்தார். உடனே நான் சொன்னது இதுதான்: “அமெரிக்கா எனக்குக் கொடுத்திருக்கும் கருத்துரிமையைப் பறிகொடுத்துத்தான் தமிழைக் காக்க வேண்டுமென்றால், நான் எட்ட நின்று வேடிக்கை பார்ப்பேன்”. 

செயற்குழுவுக்குத்தான் அறம்சார் பொறுப்புகள் உண்டு. அவர்கள்தாம் சட்டப்படி குற்றநடவடிக்கைக்கு ஆட்படுவார்கள், பொறுப்பிலிருந்து பிறழ்ந்து போகும் போது. ஆனால், அப்படியானோர் உறுப்பினர்கள் மீது அச்சுறுத்தல்களை ஏவுவது வேடிக்கையானது. நேரிடையாகவும், நேரிடையாக அல்லாமலும் பொறுப்பை அடைந்தவர்கள் உணர்ந்து செயற்படுதல் அவர்களுக்கும் நல்லது, அமெரிக்கத் தமிழ்ச்சமூகத்துக்கும் நல்லது.

Fiduciary duty requires board members to stay objective, unselfish, responsible, honest, trustworthy, and efficient. Board members, as stewards of public trust, must always act for the good of the organization, rather than for the benefit of themselves. They need to exercise reasonable care in all decision making, without placing the organization under unnecessary risk. source: https://www.501c3.org/fiduciary-responsibility-of-nonprofit-board-members/

The Illinois Attorney General has the responsibility to the public of assuring sound and legal operation of not-for-profit organizations. This includes bringing legal action against board members for failure to exercise their legal responsibilities. Board members can be held personally liable by third parties injured by actions of the organization. source: https://illinoisattorneygeneral.gov/charities/volunteers.html

Online criticism of your organization, even by its own supporters, is inevitable. 

How a nonprofit organization, government office or community initiative handles online criticism and conflict speaks volumes about that organization or initiative, for weeks, months, and maybe even years to come. Your response, or lack their of, can even cause discord offline, among volunteers and employees. Is your response going to make you look credible, transparent and someone people would want to collaborate with in the future, or will it make you look defensive, angry, out-of-control, unprofessional, more concerned with your image than your accomplishments and, perhaps, even unbalanced emotionally?

There is no way to avoid online criticism entirely, but there are ways to address online criticism that can actually help a program to be perceived as even more trustworthy and worth supporting. Criticism doesn't mean failure - it can mean people are paying attention to you, it can mean that your messages are reaching the intended audience, and it can be an opportunity to improve something. An organization MUST be able to honestly and openly deal with online criticism, particularly from supporters and participants. Otherwise, the organization puts itself in a position to lose the trust of supporters and clients, and even generate negative publicity -- and, once lost, trust and credibility can be extremely difficult to win back. source: https://www.coyotecommunications.com/outreach/critics.html

பேணி காக்கப்படும் தமிழ்

”நான் கண்ணபிரான் ரவிசங்கர் அவர்களைக் கவனித்தது, அவரிடமிருக்கும் மொழியடிப்படைவாத நோக்குக்காக. அது பாவாணர் மரபு வந்தது. அதை நான் ஏற்கவில்லை. ஆனால் அந்தத் தரப்பு முக்கியம், அது நம் பண்பாட்டுச்சூழலில் இருந்தாகவேண்டும், இல்லையேல் மொழியின் வேர்கள் பிடுங்கப்பட்டு அது பறந்துவிடும் என நினைக்கிறேன்.”  -எழுத்தாளர் ஜெயமோகன். https://www.jeyamohan.in/171456/

தேன்தமிழ் மொழி நல்கும் இலக்கியத்தைப் பேணிப்பாதுகாக்கும் குழுவினரே, ஆறே ஆறு சொற்றொடர்களை எழுதுவதில் இவ்வளவு பிழைகளை மேற்கொள்ளலாகுமா?? சிந்திப்பீர், செயற்படுவீர்!!

o0o0o0o0o

வழுவும் பிழையும் திருத்தப்பட்ட வடிவம்:

வட அமெரிக்கத் தமிழர்களுக்கு வணக்கம்!

தொன்மையும் இனிமையும் நிறை தேன்தமிழ் மொழி நல்கும் இலக்கியத்தைப் பேணிகாக்கும் எங்கள் இலக்கியக் குழுவின் வணக்கம்.

2020 துவக்கம் 2022ஆம் ஆண்டு வரையிலான குழுவின் நிறைவுக்கூட்டம், வரும் செப்டம்பர் 17ஆம் நாள் நடைபெறவுள்ளது!

நம் குழுவால் போட்டி நடத்தப்பெற்றதில், அமெரிக்க மண்ணின் கதைகளை இந்த மண்ணிலேயே விதைத்த நம் எழுத்தாளர்களின் கதைகள் நூலாகி அச்சேறி உள்ளன.

இந்த விழாவில் “அமெரிக்கச் சிறுகதைகள்” எனும் அந்த நூல் அறிமுகப்படுத்தப்படவுள்ளது.

நீங்கள் அனைவரும் விழாவில் கலந்து கொண்டும் எழுத்தாளர்களை வாழ்த்தியும், நிகழ்வைச் சிறப்பிக்குமாறு அன்புடன் கேட்டுக்கொள்கிறோம்.

o0o0o0o0o

இடிப்பாரை இல்லாத ஏமரா மன்னன்

கெடுப்பார் இலானும் கெடும். (குறள்)

o0o0o0o0

#டேபிளைத்திருப்பு

#அமெரிக்கத்தமிழ்ப்பண்பாடு

 

bias

அமெரிக்கத் தமிழ்ச்சமூகத்தில் நிகழும் எல்லாப் பின்னடைவுகளுக்கும் காரணமாகத் தெரிவது ஒன்றேவொன்றுதான். சாய்வுமனப்பான்மை. மாந்தனினின்று அது பிரிக்க முடியாதது. ஆனால் மட்டுப்படுத்த முடியும். ஒருவர் தன்னுமையோடு(individualism being enforced) இருக்கும் போது அது மட்டுப்படும். ஆனால், அரசியல்சார்பு, சாதி, தனிமனித விருப்பு வெறுப்பு என்பன தமிழ் அமைப்புகளைச் சார்ந்த முக்காலே மூணு வீச பொதுக்குழு உறுப்பினர்களின் மனக்கண்களை கட்டிப்போட்டு விடுகின்றன. ஆகவே நாம் அமெரிக்க விழுமியங்களைக் கடைபிடிப்பதில்லை.

எடுத்துக்காட்டாக, அண்மையில் ஒருவரின் முனைவர் பட்டப்படிப்பு, வேலை குறித்தான சர்ச்சை. இந்த நிமிடத்தில் கிடைக்கப் பெறுகின்ற தரவுகளின்படி அவர் சமூகத்தை ஏமாற்றி இருப்பதாகவே தெரிகின்றது. எப்படி அவரால் பல்லாண்டு காலமாக அப்படி இயங்க முடிந்தது? ஒருதரப்பைக் கடுமையாகச் சாடி இயங்கும் போது, மறுதரப்பு அவரைக் கொண்டாடி இருக்கின்றது. அந்தக் கொண்டாட்டத்தில் சமூகத்தின் மனக்கண்கள் செயலிழந்து போயின.

There's no bias when it comes to facts, and there's no bias when it comes to decency. -Jake Tapper

o0o0o0o0o0

நண்பர் அழைத்திருந்தார். பேசினேன். அவர்தரப்பு நியாயங்களைச் சொன்னார். புரிந்து கொள்ள முடிகின்றது. அழைத்துப் பேசியமைக்கு நன்றிகள் உரித்தாகுக. என் கருத்தாக நான் சொன்னது:

1. அணிக்குள் ஒத்திசைவாக இல்லாதநிலையில் வேலை பார்ப்பது கடினம்தான். நான் உங்கள் இடத்தில் இருந்திருப்பேனெனில், பொதுக்குழுவால் தெரிவு செய்யப்பட்டவர் குறித்தான பிரச்சினைகளைப் பொதுக்குழுவுக்குத்தான் எடுத்துச் சென்றிருப்பேன்.

2. பிரச்சினை என வந்து விட்டது, ஊடகங்களிலும் பேசு பொருளாகி விட்டது. இங்கே அவர், அவர் தரப்புக் கருத்துகளை அவர் பதிவிடுகின்றார். நீங்கள் உங்கள் தரப்புக் கருத்துகளைச் சொல்லி இருக்கலாம். நீக்கியது தவறு.

3. என் கவலை என்னவெனில், இந்தக் கலாச்சாரம் அடுத்தடுத்த அமைப்புகளுக்கும் பரவி விடக்கூடாது என்பதுதான்.

4. வரி விலக்குப் பெறுகின்ற எந்தவொரு அமைப்பும், பொதுமக்களின் விமர்சனத்துக்கு ஆட்பட்டதே. நல்லெண்ண அடிப்படையில் அமைப்பினரோடு பேசலாம். உகந்த மேம்பாடு கிட்டாதபட்சத்தில், பொதுவெளிக்கு வருவதைத் தவிர வேறு வழியில்லை.

I am sharing here as to be transparent. And, thanks again, for explaining his perspectives. 

o0o0o0o0

Cancelling culture is inhuman in my opinion. We are always have our own rights to share our own perspective/explanations. Very scary.

இருள்

தமிழார்வலர்களுக்கு வணக்கம். அன்புகூர்ந்து பொறுத்துக் கொள்ளவும். பேசித்தான் தீர வேண்டியுள்ளது. அமைப்புகளில் தேர்தல் இடம் பெறுகின்றது. இயல்பாகவே இரு அணிகளோ அல்லது அதற்கும் மேற்பட்ட அணிகளோ தோன்றிவிடும். அதற்காக, மாற்று அணிகளெல்லாம் அமைப்புக்கு எதிரானவர் என்றாகி விடாது.

பேரவை விழா நடைபெற்றது ஜூலை 4ஆம் நாள். ஏப்ரல்/மே மாதத்தில் செயற்குழுவுக்கு, ஒப்புரவு ஒழுகு எனும் தலைப்பில் மடல் எழுதினேன். அதில் 2010ஆம் ஆண்டுக்கான விளம்பரநறுக்கினையும் இணைத்து, தற்போது இருக்கும் நறுக்குகள் சிறப்புச் சேர்க்காதென்றும் குறிப்பிட்டிருந்தேன். ஒரு அக்னாலெட்ஜ்மெண்ட் கூட இல்லை. விழாவுக்கு இருவாரங்களே(ஜூன்) உள்ளநிலையில் தமிழ்ச்சங்கத் தலைவர்கள் கூட்டமெனச் சொல்லிக் கூட்டி, அதில் ஃபிளையர் எப்படி வடிவமைக்கலாமென மயிர்பிளக்கும் விவாதம் நடத்தினர். சிறுகதைப் போட்டி தெரிவுகளென்றனர். ஒருவிநாடி கூடத் தாமதிக்காமல் உடனே வேலையை ஒப்புக்கொண்டு, 100+ மணிநேர உழைப்பை ஈட்டினேன். ஆனாலும், என் ஆக்கப்பூர்வமான மடல்களுக்கு இவர்கள் பதில் உரைப்பதேயில்லை. அதை ஒரு பொருட்டாகக் கண்டு கொள்வதும் இல்லை. விழாக்கள் தோற்பது பற்றிக் கவலையுமில்லை. எதிர்க்குரல்கள் பாராமுகம் கொள்ளும் போது, தமிழ் அறிவியல் எனும் பெயரால், சாக்கடைகள் ஊற்றெடுப்பதுதான் நடக்கும்.

தற்போது புதுக்கலாச்சாரம் 2017ஆம் ஆண்டுக்குப் பின்னர் தோன்றி இருக்கின்றது. மேலே சொன்னப்படி தேர்தல் இடம் பெறுகின்றது. மாற்று அணியினரைத் தீண்டத்தகாதவராகக் கட்டமைப்பது. செயற்குழுவுக்கு 9 இடங்களெனக் கொள்வோம். அவர்கள் தனித்தனி பொறுப்பாளர்கள். ஆனால் இரு அணிகளாகத் தேர்தல் வேலைகளில் ஈடுபடுகின்றனர். ஒரு அணி சார்பாக மூன்று பேர் செல்கின்றனர். நிர்வாகக் குழுவில் நாங்கள் மெஜாரிட்டி என்பதற்காக அந்த மூவரை ஒதுக்கி வைத்தும், கூட்டங்களில் இருந்து விலக்கி வைத்தும் தீர்மானம் போடுகின்றனர்(எ:கா: தமிழ்மன்றம்). இதற்கும் மக்கள் வாளாதிருப்பின்(எப்போதும் போல), நீக்கவும் கூடச் செய்வார்கள். இதுதான் ஜனநாயகமா? அமெரிக்காவில் இறக்குமதி செய்யப்படும் கழிசடைத்தனம் அல்லவா?? பொதுக்குழு உறுப்பினர்களே உணர்வு கொள்ளுங்கள், பொறுப்புணர்வு கொள்ளுங்கள். உங்கள் கடமைகளைச் செய்யுங்கள்.

தமிழ் வளர்க்கிறன், தவிடு தூற்றுகிறேன்’

'தமிழ் வளர்க்கிறன், தவிடு தூற்றுகிறேன்’ எனும் எழுச்சிக் குரல்களை ஓரங்கட்டி விட்டு, அமெரிக்கப் பண்பாட்டுக்கு முன்னுரிமை கொடுக்க வேண்டும். உணர்வூட்டி விபூதி அடிக்கும் பழக்கம் நாளுக்கு நாள் பெருகி, தற்போது அதே அமெரிக்கத் தமிழ்ப்பண்பாடு என்பதாக நாடு முழுமைக்கும் ஆகிக் கொண்டிருக்கின்றது.

ஏற்கனவே சொன்னதுதான். எங்கே ’நெகடிவ் பேசாதே, முடிந்தால் தொண்டு செய்’ என்கின்ற பாசாங்குடன் அடக்குமுறை மேலெழுகின்றதோ, அங்கே குறைந்தபட்ச அறம் கூடக் கொன்றழிக்கப்படுகின்றது என்பதே பொருள்.

வினை விதைத்தவர் வினை அறுப்பார்; தினை விதைத்தவர் தினை அறுப்பார். இப்படியான பழக்கங்களை விதைப்பதற்குத் துணைபோவது நாமாக இருக்கலாம். நாளைய நம் தலைமுறை அதற்கான விளைவுகளை அறுவடை செய்வர்.

இன்று செப்டம்பர் 15 ஆம் நாள். நாடளாவிய தமிழ் அமைப்பு, கோரத்துடன் கூடிய பொதுக்குழுவைக் கூட்டுவதினின்று பிறழ்ந்து இருக்கின்றது. ஏன்? எதை மறைப்பதற்காக??

o0o0o0o0o0o

When you come across something ambiguous (meaning that there's more than one way to reasonably interpret something), then the question remains to be answered by your organization by a majority vote at a meeting.  -Robert's Rules: Interpreting Bylaws

இங்கு செப்டபர் 15 கெடுநாள், கோரம் என்பதற்கான வரையறை தெளிவு. சரி, புரிதலில் மாற்றுக்கருத்து என்றே வைத்துக் கொள்வோம். சட்டம் என்ன சொல்கின்றது? பொதுக்குழுவைக் கூட்டி ஓட்டெடுப்புக்குச் செல் என்கின்றது. எப்படிப் பார்த்தாலும் செப்டம்பர் 15ஆம் நாளுக்குள் கூட்டத்தைக் கூட்ட வேண்டும். கூட்ட மறுக்கின்றனர்.

1. இவர்கள் சொல்லி நாம் என்ன கூட்டத்தைக் கூட்டுவது என்பதாக இருக்கலாம்.

2. எதையோ மறைப்பதற்காக இருக்கலாம்.

இவற்றுள் அது எதுவாக இருந்தாலும், செயலாளர் தோற்று விட்டார். அடிப்படை அறம் காற்றில் பறக்க விடப்பட்டு இருக்கின்றது. இப்படியான வாழ்வியல் அறத்தைக் கொலை செய்து விட்டு, அதற்கு மேல் என்ன தமிழ் வளர வேண்டி இருக்கின்றது. சிந்திப்பீர்!

o0o0o0o0o0o

தமிழ், தமிழ்னு ஜல்லி அடிப்பதில் துவங்குகின்றது விபூதியடிப்புகள். தாய்மொழியான தமிழில், அமெரிக்கப் பண்பாடு புகட்டுவதினின்று துவங்க வேண்டும் அமெரிக்கத் தமிழனின் வாழ்க்கை. கடல் கடந்து வந்து, கிடைத்திருக்கும் அருமையானதொரு வாழ்வை நாமே பாழாக்கிக் கொள்ளலாமா? நண்பர்களே, அக்கம்பக்கம் இருக்கும் தமிழர்களிடம் வாய்விட்டுப் பேசுங்கள். நடந்து கொண்டிருப்பது மாபெரும் தமிழ்க்கேடு. Please!

o0o0o0o0o0o

விழா மலர்

வெள்ளிவிழா என்பதால் எதிர்பார்ப்பு உச்சத்தைத் தொடுகின்றது. ஆசிரியர் குழுவில் மொத்தம் 9 பேர். பெரும்பாலும் அந்த ஒருவர் கூட்டங்களுக்கே வரமாட்டார். வாரா வாரம் கூட்டம் நிகழும். கட்டுரைகள் கூடுமானவரை அமெரிக்காவில் இருந்து எழுதப்பட்டவையாக இருக்க வேண்டுமென்பது குழுவினரின் ஆசை. அதேநேரத்தில் வட அமெரிக்கத் தமிழ்ச்சங்கப் பேரவையின் மாண்பும் பெருமையும் போற்றக்கூடிய வகையில் இருக்க வேண்டும். ஏராளமான படைப்புகள் வந்து சேர்கின்றன. 

மலரின் பக்கங்கள் இவ்வளவுதான் என்பது, கட்டணமின்றி மலர் அச்சடித்துக் கொடுக்கும் புரவலரின் கட்டுப்பாடு. ஆகவே ஆக்கங்களின் எண்ணிக்கை 32 என்பதுதான். குறிப்பிடத்தகுந்த கட்டுரை தெரிவாகவில்லை. நல்ல கட்டுரைதாம். ஆனால் சாதியின் பெயர் அந்தத் தமிழ்ச்சான்றோரின் பெயரில் இருப்பதாலும் அவரின் பெயர் கட்டுரை நெடுக இருப்பதாலும், கட்டுரையின் உட்கிடை அக்குறிப்பிட்ட சாதியை வியந்தோதல் என்பதாகப் புரிந்து கொள்ளப்பட்டு விடுமோயென்கின்ற தயக்கம் குழுவினருக்கு. தெரிவாகவில்லை. மலரில் இட்டாக வேண்டுமென நெருக்கடி. குழுவுக்கும் பொறுப்பாளர்களில் சிலருக்கும் கருத்து மோதல் உருவெடுக்கின்றது. வழிகாட்டுதல் குழுவிலும் காரசாரம், முட்டல் மோதல். சாதிப்பெயர் நீக்கி, எடிட் செய்து போட்டுக் கொள்ளுங்கள் என்பதாக இணக்கம் செய்ய விழைகின்றனர். அதற்கும் குழு ஒப்புக் கொள்ளவில்லை. அப்படியானால் தெரிவாகாத கட்டுரைகளுக்கும் அச்சலுகை வழங்கப்பட்டாக வேண்டுமே? #equality

பொறுப்பாளர்களின் நிலைமையும் புரிந்து கொள்ள முடிகின்றது. ஏனென்றால் அது விழாவின் முக்கியமான புரவலர் ஒருவரால் எழுதப்பட்ட கட்டுரை அது. குழுவுக்கு வெளியே இருப்பவர்கள் சாதிப்பெயர் நீக்கி, கட்டுரையின் அளவைக் குறைத்துச் செம்மையாக்கி மறுபடைப்பாகக் கொடுக்கப்பட, சிக்கல் முடிவுக்கு வருகின்றது. இஃகிஃகி. விழா மலர் மட்டுமன்று, விழாமலரும்தான்! வெள்ளிவிழா மலர் ஆசிரியர் வேறு யாருமல்ல, நான்தான்!!

அறம் செய விரும்பு!

#டேபிளைத்திருப்பு

#அமெரிக்கப்பண்பாடு

#individualism

#ethics

தமிழ்ப்பணி

2012ஆம் ஆண்டு வரையிலும் தமிழார்வத்தால் அவரவர் பகுதிகளில் இருக்கும் தமிழ் அமைப்புகளுக்குத் தன்னார்வலர்கள் சிறப்புச் சேர்த்துக் கொண்டிருந்தனர். அதற்குப் பின் நிகழ்ந்த உலகப் பொருளாதாரப் பாய்ச்சல் என்பது வரலாற்றில் முன்னெப்போதுமில்லாத விரைவினைக் கண்டது. ஆகவே குடிவரவும் பெருகியது. அதன்நிமித்தம் தமிழ் அமைப்புகளின் பணப்புழக்கமும் பன்மடங்கு பெருகிப் போனது. அமைப்புகளுக்குள் வணிகமும் புகுந்து விட்டது. நிற்க.

பெரும்பாலும் தன்னார்வலர்கள் ஆர்வத்தின் காரணமாக பொறுப்புகளில் இருப்பர். மறைந்திருக்கும் சக்திகள் ஆட்டுவித்துக் கொண்டிருக்கும். இவர்கள் தன்னிலை அறியாமல் அவர்களுக்குப் பணி செய்து கொண்டிருப்பர். அப்படியானவர்களுக்குத்தான் இந்த அறிவுறுத்தல்.

அமெரிக்க நாட்டின் சட்டதிட்டங்களுக்கே முன்னுரிமை. பிற்பாடுதான் பைலா என்பது. எடுத்துக்காட்டாக, கோரம் இருந்தது எனக் குறிப்பிட்டு கூட்டமுடிவுகள் ஆவணப்படுத்த வேண்டும். எதுவும் சொல்லாமல் விட்டாலேபோதும் அது செல்லாததாகி விடும். கோரம் இல்லாத கூட்டத்தின் முடிவுகளை, கூட்ட முடிவுகளாகக் காண்பிப்பது அதனினும் பெருங்குற்றம்.

https://nonprofitlawblog.com/board-meeting-minutes/

அண்ணஞ்சொல்றாரு, தம்பி செய்றான் பார்ட்டிகள் கவனத்திற்கு. Board directors have many responsibilities. Not fulfilling their responsibilities, as well as the visible actions they take, qualifies as misconduct. Here’s a list of areas that fall under fiduciary duties where board director misconduct can occur:

Reviewing financial statements

Overseeing audits

Overseeing investments

Avoiding hard questions and giving in to groupthink

Not knowing and understanding federal, state and local laws

Non-profit organization directors not knowing the laws for the type of non-profit organization they run

Having ex parte discussions outside the boardroom

Failure to cultivate diversity and independence on the board; lax board director recruitment

Overstepping the threshold for lobbying and political activities

Failing to document actions

Having or allowing conflicts of interest

Inconsistency in filing disclosures 

https://www.boardeffect.com/blog/constitutes-board-director-misconduct/

சாலையில் எல்லாரும்தான் அவ்வப்போது விரைவாகச் செல்கின்றோம். எப்போதாகிலும், யாரோ ஒருவர்தாம் பிடிபட்டுத் தண்டங்கட்டுகின்றனர்; தன்னுடைய இன்சூரன்ஸ் பாயிண்ட்டுகளை இழக்கின்றனர். அதற்காக, விரைவாகச் செல்தலே லெஜிட்மேட் என்றாகிவிடாது.

#டேபிளைத்திருப்பு

#தமிழ்ப்பணி

#அமெரிக்கப்பண்பாடு

அமெரிக்க தமிழ்ச்சங்கங்களின் அக்கப்போர்

 https://youtu.be/GYoSQHEWI5Q

இக்காணொலியை ஒரு வாட்சாப் குழுமத்தில் பகிர்ந்திருந்தனர். அதன் நிமித்தம் கலந்துரையாடல் இடம் பெற்றது. அதில் நாம் பகிர்ந்து கொண்ட கருத்துகள் கீழே வருமாறு:

o0o0o0o0o0o0o0o

மனம் திறந்த உரையாடல்கள் நிகழ்வதில்லை. விமர்சனங்கள் வரவேற்கப்படுவதில்லை. ஆனால் நீதிமன்றக் கதவுகள் தட்டப்படுகின்றன. We are in America! American values should be exercised. 😍

o0o0o0o0o0o0o0o

ஆண்டுக்கு ஒருமுறையேனும் பொதுக்குழு கூட்ட வேண்டுமென்பது விதி. கூட்டம் கூட்டப்படுகின்றது. விதியில் குறிப்பிடப்பட்டிருக்கும் குறைந்தபட்ச வருகை இல்லை. பொறுப்பாளர்களுக்கான தோல்வி அது. குறிப்பாக, செயலாளருக்கான தோல்வி அது. கூட்டத்தின் வருகைக்காக அவர் உழைத்திருக்க வேண்டும். சரி, வாழ்வில் சில தொய்வுகள் ஏற்படுவது இயல்பு. மீண்டுமொருமுறை கூட்டத்திற்கான ஏற்பாடுகளைச் செய்யலாம்தானே? விதிகளில் குறிப்பிட்டபடி கூட்டி ஆயிற்று. கோரம் இல்லாதபட்சத்தில், கோரம் உள்ள கூட்டம் கூட்டப்பட வேண்டுமென விதிகளில் இல்லை எனச் சொல்லி நழுவுவது அறம்தானா?

o0o0o0o0o0o0o0o

மிகப்பெரும் மாற்றம். தீர்மானம் குறித்து எல்லா பொதுக்குழு உறுப்பினர்களுக்கும் மின்னஞ்சல் அனுப்பி விட்டு, இல்லை என்போர் மின்னஞ்சல் அனுப்புக. அல்லாவிடில் தங்கள் வாக்கு ‘ஆம்’ என்றே எனக் கருதப்படும். இஃகிஃகி, பொதுக்குழு உறுப்பினர்கள் மின்னஞ்சல்கள் பார்ப்பதே அரிது. அப்படியே பார்த்தாலும் மெனக்கெட்டு எதிர் ஓட்டாக மின்னஞ்சல் அனுப்புவார்களா? இப்படியான பழக்கத்தை நாடளாவிய அமைப்பே கடந்த ஐந்து ஆண்டுகளாகக் கடைபிடித்து வருகின்றது. இப்படியான எல்லாச் செயல்களும் மேற்கண்ட சூழலுக்கே இட்டுச் செல்லுமென 2017 துவக்கம் எழுதி வருகின்றேன். கண்டுகொள்ளவில்லை. இன்று சிலிர்த்தெழுந்து இருக்கின்றனர். நாம் அமெரிக்காவில் இருக்கின்றோம். 

Five founding ideals of the United States are equality, rights, liberty, opportunity, and democracy. #KeepUpAmericanValues

o0o0o0o0o0o0o0o

ஓர் எழுத்தாளனின் பங்கு என்ன?

கதை, கவிதை, நாடகம், திறனாய்வு முதலான இலக்கியக் கூறுகளினூடாகப் பேசாப்பொருளைப் பேசத் துணிவதும் பொதுப்பார்வைக்குப் புலப்படாதனவற்றைப் புலப்படுத்துவதுமே அவனது பணி. ‘அமெரிக்காவில் தமிழ் அமைப்புகளும் பணிகளும்’ என்கின்ற பொருண்மையிலே நூலெழுதி ஆவணப்படுத்துவானாயின், ஆவணமென்பது காலத்தின் சாட்சியாக என்றென்றும் நிலைத்திருக்கும். அமைப்புகளின் பொறுப்புகளுக்கு வந்து போவோர், தற்காலிகமாக வந்து போவோர் புரிந்து பொறுப்புடன்  செயற்பட வேண்டும். நதியின் ஓட்டத்தில் நாம் ஒருதருணம் பயணிக்கும் பயணி மட்டுமே!

o0o0o0o0o0o0o0o

Basic principles should be adopted first! Otherwise can of worms would prevail in one or the other form.

o0o0o0o0o0o0o0o

 //An Annual General body Meeting of the Members of the Federation shall be held between the fifteenth of May and the fifteenth of September of each year. One third of the delegates and Life members in good standing shall constitute a quorum at any general body meeting or special general body meeting of the Federation.//

இவைதாம் கொடுக்கப்பட்டிருக்கும் விதிகள். மூன்றில் ஒரு பங்கினர் கலந்திருக்க வேண்டுமென்கின்றது. அப்படியான வருகை இடம்பெறவில்லை. அப்படியானால், மே - செப் மாதங்களுக்கிடையேயான கூட்டம் நடக்கவில்லை என்பதுதானே பொருள்? ஆகவே, செப்டம்பருக்குள் கோரத்துடன் கூடிய கூட்டம் நடத்தப்பட்டாக வேண்டுமென்பதுதானே முறை?

இதைக் கேட்காமல், தமிழ், இனம், மொழி, சமயம், அவரவர் வசதிக்கொப்ப அப்படியானவை நிகழக்கூடாதென்றெல்லாம் பேசுவதில் ஒருபொருளுமில்லை.

எந்த அமைப்பானாலும் குறைந்தபட்ச அறம் ஒழுகப்பட வேண்டும். அல்லாவிடில் பொறுப்புகளுக்கு அழகல்ல. பெருமை சேர்க்காது.

o0o0o0o0o0o0o0o

ஒருவர் மாற்றுக் கருத்து வைக்கின்றார். கூர்ந்து கவனிக்க வேண்டும். விழுமியம் பொருந்தியதாக இருப்பின், மாற்றத்தைக் கொணர வேண்டும். இல்லையா, முறையான பதிலைக் கொடுக்க வேண்டும். உள்நோக்கத்துடன் கூடிய எதிர்வினையாக இருக்கும்பட்சத்தில், புறந்தள்ளிவிடலாம். இந்த மூன்று தெரிவுகளுக்கும் அப்பாற்பட்டு, மாற்றுக்கருத்து வைப்போர் மீது நடவடிக்கை மேற்கொள்ள வேண்டுமெனப் பொறுப்பில் இருப்போர் கொந்தளிப்பதெல்லாம் பத்தாம்பசலித்தனமானது. அமெரிக்காவுக்கோ தமிழுக்கோ பெருமை சேர்க்கக் கூடியது அல்ல. தற்காலிகத் தோற்றத்தில் தாம் புகழாளர் போல சுயமோகம் கொள்வதற்கு மட்டுமே உதவக்கூடியது அது. தமிழர்கள் நாம் அனைவரும், அமெரிக்க விழுமியங்களைக் கற்றுக் கொள்ள முன்வர வேண்டும். முன்னுரிமை கொடுக்க வேண்டும். அல்லாவிடில், நம் பிள்ளைகளே நம்மை மதிக்க மாட்டார்கள்.

o0o0o0o0o0o0o0o

We should participate in discussions in healthy way. Hope that would add value.

o0o0o0o0o0o0o0o

முழுவதும் கேட்டு முடிச்சிட்டன். நண்பர்கள் பேசுவதெல்லாம் சரிதான். ஆனால், தும்பை விட்டுட்டு வாலைப் பிடிக்கிறீங்க. நாடளாவிய அமைப்பில் இதேதான் 2017 துவக்கம் நடந்து வருகின்றது. அப்போதெல்லாம் ஒருவர் கூடப் பொதுவெளிக்கு வரவே இல்லை. வேடிக்கை பார்த்தீர்கள். அதுவே ஒப்புதலாகக் கொண்டு, அதே வாடிக்கையானது அடுத்தடுத்த அமைப்புகளுக்கும் பரவிக் கொண்டு இருக்கின்றது. Have fun. வினை விதைத்தவர் வினை அறுப்பர். தினை விதைத்தவர் தினை அறுப்பர். தமிழ் வளர்க்கிறதெல்லாம் அப்பாலிக்கா. முதலில், அடிப்படை அறம், மனிதம்! Simply stick to the basics!!

o0o0o0o0o0o0o0o

வணக்கம். நம் அனைவருக்கும் முன் உள்ள சவால் என்பது, பொதுக்குழுக் கூட்டங்கள் சிறப்புற இடம் பெற வேண்டும். அதற்கு குழு உறுப்பினர்கள் பெருவாரியாகக் கூட்டங்களுக்கு வர வேண்டும். வந்தால் மட்டும் போதாது, கருத்துகளை அச்சத்திற்கிடம் கொடாமல் மனம் திறந்து பேச வேண்டும். அது நடந்தாலே போதும், எல்லாமும் சரியாகி விடும். பிழை, பொதுக்குழு உறுப்பினர்களிடம்தான். அவார்கள் மெத்தனமாக இருந்தால், வல்லான் வகுப்பதே வாய்க்கால்.

o0o0o0o0o0o0o0o

ஒன்று, பொதுக்குழு உறுப்பினர்கள் தத்தம் கடமையைச் செய்ய முன்வர வேண்டும். அல்லது, செயற்குழு உறுப்பினர்கள் கொம்புமுளைத்தது போன்ற உணர்வின்றிச் செயற்பட முன்வர வேண்டும்.

o0o0o0o0o0o0o0o

 Friends, let's not go behind some individual. Let's have fruitful conversation about where/what we are missing so that such odds can't happen further.

o0o0o0o0o0o0o0o

 It is about all Tamil Non-Profit Organizations in general. Having constructive discussion is community work too.

o0o0o0o0o0o0o0o

கருத்துகளில் வேறுபாடு இருக்கலாம். ஆனால் குரல் ஒலித்துக் கொண்டே இருக்க வேண்டும். The great thing about social media is how it gave a voice to voiceless people. எதிர்க்குரலை, மாற்றுக்கருத்துகளை, தீங்காகவும் வில்லத்தனம் போன்றும் பார்க்கக்கூடிய மனோபாவம் தமிழ்ச்சமூகத்தில் புரையோடிப் போயிருக்கின்றது. வைக்கப்படும் கருத்து சரியா, தவறா என்பதுதான் பார்க்கப்பட வேண்டும்.

இந்தக் குழுமத்தில், துவக்கத்திலிருந்தேவும் பார்க்கின்றேன். தமிழ்நிகழ்ச்சிகள் தொடர்பாக விளம்பரச் செய்திகள், தகவல்கள், தேர்தல் குறித்த விளம்பரங்கள் பகிர்வார்கள். பார்த்துவிட்டு சும்மா இருந்து விட வேண்டுமென நினைக்கின்றார்கள். 

திறனாய்வுக் கருத்துகள் முன்வைக்கப்படுகின்ற போது, இயலுமானால் தமிழ்ப்பணி செய்யுங்கள். நெகடிவ்வாகப் பேசி, மோட்டிவேசனைக் குறைக்காதீர்கள் என அறிவுரை வழங்கப்படுகின்றது. எதிர்க்குரலை நசுக்கப்பார்க்கும் ஆதிக்க சக்தியின் குரலாகத்தான் நான் இதைப் பார்க்கின்றேன். மன்னிக்கவும். இது அமெரிக்கா. உங்களுக்குத் தெரியுமா? இந்த நிமிடம், அமெரிக்காவில் ஏதோ ஒரு மூலையில் தேர்தல் நடந்து கொண்டிருக்கும். ஓட்டுகள் பதிவாகிக் கொண்டிருக்கும். இது ஒரு தேர்தல் நாடு. வீட்டு உரிமையாளர் சங்கங்கள் முதற்கொண்டு, இலாபநோக்கற்ற அமைப்புகள், உள்ளூராட்சி அமைப்புகளென 3006 கவுண்டிகளில் ஏதோவொரு தேர்தல் நடந்து கொண்டேதான் இருக்கும். தேர்தல் என்றால், எதிரும் புதிருமான கருத்துகள்தாம் களமாடிக் கொண்டிருக்கும்.

அமெரிக்காவில் அமெரிக்கவாழ்வை வாழப்பழகுவோம்! நன்றி!! 🤝🏻😍🙏🏽

o0o0o0o0o0o0o0o

நண்பா, வணக்கம். 2009-2017 வரையிலும் இருந்த அமைப்பு வேற. இப்ப இருக்குற அமைப்பு வேற. விழாவின் இறுதி நாளின் போதேவும் முறையாக சர்வே எடுக்கப்படும். சர்வே முடிவுகள் அப்படியப்படியே பகிரங்கமாக வெளியிடப்பட்டும் வந்தது. இது நீங்க மட்டும் அல்ல. நிறையப் பெற்றோர்கள் தம் பிள்ளைகள் பரிசு பெறுவர் என எண்ணிக் குழந்தைகளோடு சென்று மனத்தாங்கலுடன் வீடு திரும்பினர். பிரச்சினை என்னன்னா, யாரும் வெளியில தத்தம் உளக்குமுறல்களை, கருத்துகளைச் சொல்வதில்லை. ஆகவே, they take it for granted to ride. Sorry for the loss of $3000.

இது போன்றவற்றை மூடிமறைக்கத்தான் நெகடிவ் பேசாதே என்பது. எங்கு பேச்சு மறுக்கப்படுகின்றதோ, அங்கு ஏதோ பெரிய தவறு நடக்கின்றதென்பதே பொருள்! 😫

o0o0o0o0o0o0o0o

yes man committee

இங்கு பகிரப்பட்ட காணொலிகளில் சொல்லப்பட்டது, ஆதரவாளர்களான ஆமாம்சாமிகளைக் கொண்ட கமிட்டிகளை அமைத்துக் கொள்வார்கள். சொன்னவரே நாடாளாவிய அமைப்பின் அப்படியான கமிட்டியில் முக்கிய உறுப்பினராக இருப்பதுதான் வேடிக்கை. நகைமுரண்! Jokes apart, let's look into it constructively.

நாம் அமெரிக்காவில் இருக்கின்றோம். ஆங்கிலம் முதன்மை மொழி, அமெரிக்கப் பண்பாடு முதன்மை. அதற்காக தமிழ்மொழியையும் தமிழ்ப்பண்பாட்டையும் கைவிட்டு விட வேண்டுமா? இல்லை என்கின்றது அமெரிக்க சாசனம். அமெரிக்கப் பண்பாடும் தமிழ்ப் பண்பாடும் இரு கண்கள் போலே. சில இடங்களிலே அமெரிக்கப் பண்பாட்டுக்கும் தமிழ்ப் பண்பாட்டுக்கும் முரண் வருகின்றதென வைத்துக் கொள்வோம். அதற்காகத் தமிழ்க் கண்ணைக் குத்திக் கொள்ள வேண்டுமா? இல்லை. அமெரிக்காவில் இருக்கின்றபடியினாலே, தமிழ்க்கண்ணை அப்போதைக்கு மறைத்துக் கொள்ள வேண்டும். இதுவே தமிழ்நாட்டில் இருக்கும் போது இரு கண்களுக்குமிடையே பிணக்கு வருகின்றது, அமெரிக்கக் கண்ணை அப்போதைக்கு மறைத்துக் கொள்ள வேண்டியதுதான். சரி, அமெரிக்கப் பார்வையில் கமிட்டிகள் எப்படித்தான் இருக்க வேண்டும்?

https://www.senate.gov/committees/ செனட் என்பது ஒன்றிய அரசிலும் உண்டு. மாகாண அரசிலும் உண்டு. கமிட்டிகளிலே பெரும்பான்மைக்கும் சிறுபான்மைக்கு சம இடங்கள். இதுதான் அமெரிக்கப் பண்பாடு. இதைத்தான் நாம் கடைபிடிக்க வேண்டும். காப்போம் அணி, வளர்ச்சி அணி என இரு அணிகள். அட்வைசரி கமிட்டியில் எத்தனை பேர் மாற்றுக்கருத்துள்ளவர்கள் இருக்கின்றனர்? இஃகிஃகி.

இந்த நேரத்தில் இன்னொன்றையும் சொல்லியாக வேண்டும். 20 ஆண்டு காலத்தில் பல தமிழ் அமைப்புகளைப் பார்த்தாயிற்று. பெரும்பாலானவற்றில், செயற்குழு என்பது பொம்மைக்குழு. கொம்பு முளைத்தது போல நினைத்துக் கொள்வோர் முக்கியமாகக் கவனிக்க வேண்டியது இது. அண்ணன் சொல்றாரு, ஆமா போடு என்பதுதான் இவர்களின் வேலையாக இருக்கும். அதுதான் சக்திமிகு அட்வைசரி கமிட்டி இருக்கின்றதே முக்கிய முடிவுகளை மேற்கொள்ள?!

டேபிளைத் திருப்பு! அமெரிக்கப் பண்பாடு போற்றுவோம்!!

God Bless America! 

வாழ்வது எதற்காக?

1. உறங்கிக் கொண்டிருக்கும் போது, நினைவுக்கண் விழித்துக் கொண்டது. சென்ற இடத்தில் அம்மாவுக்கான கவனிப்பு கிடைத்ததா? உறங்கினாரா? இப்படிப் பல யோசனைகள். திடுக்கென விழித்து, எழுந்து உட்கார்ந்து கொண்டேன். மணியென்னவெனப் பார்த்தேன். காலை 7.30. அப்படியானால் ஊரில், மாலை ஐந்து மணி. ஃபோன் செய்து அம்மாவுடன் பேசினேன்.

2. கழிப்பறைக்குச் சென்றேன். வாட்சாப்கள் பார்த்தேன். ஒன்றிரண்டுக்குப் பதில் கொடுத்தேன்.

3. தம்பி ஒருவருடன் சேர்ந்து ஓட்டப்பயிற்சிக்கு 8.30 மணிக்குச் செல்லலாமென அவருடன் நேற்றே சொல்லி இருந்தேன். அவரும் அதே நேரம்தானாயெனக் கேட்டு மெசேஜ் அனுப்பி இருந்தார். வீட்டுக்கு வந்து பிக் செய்வதா எனக் கேட்டிருந்தார். ஆமாமென்றேன்.

4. காஃபி போட்டுக் கொடுத்தார். மதியம் சமையல் செய்து கொள்வீர்கள்தானேயென்றார் மனைவியார். ஆமாமென்றேன்.

5. சரியாக எட்டரை மணிக்கு தம்பியானவர் வந்து பிக் செய்ய, அருகிலிருக்கும் காட்டுப்பூங்காவுக்குச் சென்றோம்.

6. முக்கால் மைல் சென்றதும் ’சோ’வெனும் ஓசை கேட்டது. நாங்கள் நின்றிருந்த இடத்தில் மழை இல்லை. ஆனால் மறுகோடியிலிருந்து எங்களை நோக்கி அந்த ஓசை துரத்திக் கொண்டு வருவதை உணர்ந்தோம். நுழைவாயிலை நோக்கித் திரும்பி ஓட்டம் பிடித்தோம். எதிரே மூதாட்டி ஒருவர் அனயாசமாகச் சைக்கிளில் சென்று கொண்டிருந்தார் அந்தக் காட்டுக்குள்.

7. எடுத்த படங்களை வாட்சாப்பில் தரவேற்றிக் கொண்டேன். நண்பர்கள் குதூகலத்துடன் மறுமொழி இட்டனர். இசைவுமொழி அளித்தேன்.

8. வீடு வந்து சேர்ந்தேன். மகர்கள் மூவருமே எழுந்திருந்தனர். ஒருவர் குடிக்கத் தண்ணீர் கொடுத்தார். சற்றே உடற்பயிற்சிக்குப் பின் குளிக்கப் போனேன். எங்களுக்கு இன்று விடுமுறை. ஆனால், மனைவியார் வேலைக்குக் கிளம்பிச் சென்று விட்டார்.

9. தகவல் கேட்டு நண்பர் அழைத்திருந்தார். வழமையாக முன்னெடுக்கும் ’குரூப் கால்’ ஒன்றினைத் துவக்கி வைத்தேன். நண்பர்கள் இணைந்தனர். ’பக்கத்து  வீட்டு நண்பர், 52 வயதுதான், வாழ்விலிருந்து விடைபெற்றுக் கொண்டதன் காரணம் கடந்த சில நாட்களாகத் தம்மால் இணையவில்லை’ எனக் குறிப்பிட்டார். மன அழுத்தம், உரையாடலின்மையும் ஒரு காரணமென்றார். அடுத்தடுத்த நண்பர்கள் பேசினர்.

10. சமைக்கத் துவங்கினேன். இடைக்கிடையே குழுமிக் கூத்தடித்துக் கொண்டிருந்த மகர்களிடமும் சென்று வந்து கொண்டிருந்தேன். வாட்சாப்பில் ஓரிரு மெசெஜ்களுக்குப் பதிலுரைத்தேன்.

11. எல்லாரும் ஒருசேர நண்பகல் உணவு உண்டோம். இடையில் ஊரிலிருக்கும் தங்கையார் ஒருவர், ஊர்ப்படங்களை அனுப்பி இருந்தார். பேசிக் கொண்டிருந்தேன்.

12. எட்டாம் வகுப்பு மாணவர்கள் எழுதிய கதைகளைப் படித்துக் கொண்டிருந்தேன்.

13. உறக்கம் வந்தது. உறங்கிப் போனேன்.

14. விழிப்பு வந்தது. வெளியே மழை பெய்து கொண்டிருந்தது. எழுந்து வந்தேன். மனைவியாரும் வந்திருந்தார். காஃபி போட்டுக் கொடுத்தார்.

15. கட்டுரை எழுதிக் கொடுப்பதை நினைவு கூர்ந்து, இந்த மாதத்திற்கானதை அறிவுறுத்தித் தகவல் அனுப்பி இருந்தார் தோழர் ஒருவர்.

16. அலுவலக மின்னஞ்சல்களை வாசித்துப் பதில் அனுப்பினேன்.

17. துணிகளைத் தேய்த்து இருத்தி மடித்து வைத்தேன். இணையச் செய்திகளை வாசித்தேன். வீட்டைச் சுற்றிலும் இருக்கும் மரங்களைச் சென்று பார்வையிட்டேன். பெய்த மழைக்கு, தடத்தை மறிப்பது போல் நரன் இருப்பதாக மனைவியார் சொன்னதன் பொருட்டு. மரங்கள் மரங்களாகவே அழகாக இருந்தன.

18. வாட்சாப்பில், அமெரிக்க விழுமியம் என்பது குறித்து தகவல் அனுப்பினேன். கிடைக்கப்பெற்ற மறுமொழிகளுக்குப் பதில் அளித்தேன்.

19. வாழ்வது எதற்காக? சிந்தனைவயப்பட்டேன்.

20. காலையிலிருந்து நான் செயலாற்றியதை வரிசையாக எழுதிக் கொண்டிருக்கின்றேன். எல்லாருக்கும் சில பல பணிகள் இருக்கின்றன. ஏதோ ஒருநாள், ஒரே ஒருநாள்தான் முடிவு என்பது. மற்ற நாட்கள் எல்லாவற்றிலும் செய்யக் கொள்ள ஆயிரமாயிரம் உண்டு. நமக்கும் பிறருக்குமாக! சியர்ஸ்!!

-பழமைபேசி, செப்டம்பர் 5, 2022. மாலை ஏழு மணி