அம்மா வாசம்

ஊரிலிருந்து வந்திருக்கும் ரமேசிடம்

அக்கறையோடும்

அன்போடும்

வாஞ்சையோடும்

வெள்ளந்தியாய்

கொடுத்தனுப்பியிருக்கிறாள்

பேரக்குழந்தையை மனதில் வைத்து

கட்டத் தேவையில்லாத் தொட்டிலுக்காய்

தனது நூல் சேலையில் ஒன்றை!

அம்மாவின் வாசத்தில்

மெல்லிய இறகாகி

வானில் தவழும்

சுகமோ சுகம்

விரித்துப் போட்டு

அதன் மேல் படுத்துறங்கும்

குழந்தையாகிப் போன எனக்கு!!

நன்றி: தென்றல் மாத இதழ்