தடல் புடல் விருந்து! வாங்க கண்ணுகளா!!

கண்ணுகளா, அல்லார்த்துக்கும் வணக்கம்! எங்கிருந்தாலும் நல்லா இருங்க!! நல்லா இல்லியின்னா, நீ வந்து செரி செஞ்சி தருவியா? அப்பிடீன்ல்லாம் கேக்கப் படாது. அப்பிடியே கேட்டிங்கன்னாலும், எங்கிட்ட சொல்லுறதுக்கு ஒன்னும் இல்லை. அய்ய, அதுக்கோசரம் ஊட்டை உட்டுப் போட்டு போயிராதீங்க கண்ணுகளா, பேசுறதுக்கு விசியம் இருக்கு!

நம்ம ஊட்டுத் திண்ணைக்கி ஆட்காட்டி அண்ணன் அடிக்கொருக்கா வரும், வந்து நல்ல நல்ல பழமயிகளப் பத்திக் கேக்கும், அண்ணனுக்கு தெரிஞ்சதை சொல்லும். அப்பிடித்தான் நேத்தும் ரெண்டொரு கேள்வி கேட்டுப் போட்டு, "என்னடா மணியா, படத்த மாத்தி ஒரே தடல் புடல் பண்ணுறே?"ன்னு கேட்டுச்சு. அப்பத்தாங் கண்ணு மண்டையில ஒறச்சது, "அட, தடல் புடல் பத்திக் கூட நாம, நம்ம கண்ணுகளோட பேசுலாம்"ன்னு.

நம்ம ஊர்கள்ல சொல்லுறது கண்ணு, தடல் புடல் விருந்துன்னு. சனத்தப் பாத்தாக் கேக்குறது, "என்ன விருந்தெல்லாம் தடல் புடலா இருந்ததாமா?. அப்புறம் அதையே பலதுக்கும் பொழங்க ஆரம்பிச்சுட்டம் போல இருக்கு. அவசரத்துல செய்யுறதைச் சொல்லுறதுக்கும் இதைப் பொழங்க ஆரம்பிச்சுட்டம். "என்ன, தடால் புடால்னு ஏற்பாடு பண்ணிட்டீங்க?". அவன் வந்தான், தட புடன்னு எதையோ செஞ்சான், போய்ட்டான். அப்புறம், யாருனா எதுனா விமரிசையாப் பண்ணுனா, அதைப் பொறுக்காத சனஞ் சொல்லுறது, "எதுக்கு இந்த தடல் புடல்?". இப்பிடிப் பல விதமாப் பொழக்கத்துல இருக்கு இந்த தடல் புடல்.

கண்ணூ கண்ணு, இந்த தடல்ன்னா மெலிசாவோ, மொறு மொறுப்பாவோ இருக்குற தினபண்டங் கண்ணு!! வாழை மரத்தண்டுல வாற சிறு சிறு உள்தண்டுச் செதில், வெங்காயத்துல இருக்குற உள் செதில், இப்பிடி வறுவலுக்கு வாய்க்கிற செதிலுக எல்லாத்தையும் பரும்படியாச் சொல்லுறது தடல் கண்ணு.

ஒட‌னே நீங்க‌ கேககுற‌து, புட‌லுன்னா என்ன‌? க‌ண்ணு, புட‌ல்ன்னா புட‌ல‌ங்காய். அந்த‌க் கால‌த்துல‌ புட‌ல‌ங்காய்ல‌ எக்க‌ச்ச‌க்க‌மான‌ புட‌லை வ‌கை இருந்துச்சாம‌. பேய்ப் புட‌லை, சிறு புட‌லை, நீட்டுப் புட‌லை, கைப் புட‌லை இப்பிடியாமாங் க‌ண்ணு. உருளைக் கெழ‌ங்குல‌ கூட‌ ஐயாயிர‌ம் வ‌கை உருளைக் கெழ‌ங்கு இருந்துச்சாங் க‌ண்ணு. ம‌க‌சூலு நெற‌ய‌க் கெடைக்கோனுமுன்னு, ம‌ர‌ப‌ணு மாத்த‌ஞ் செஞ்ச‌ வெதைக‌ள‌ வெதைக்க‌ப் போயி, க‌ழுதை தேஞ்சி க‌ட்டெறும்பு ஆன‌ க‌தையா, 5000 இப்ப‌ வெறும் நாலோ, அஞ்சோல‌ வ‌ந்து நிக்குதாம‌ க‌ண்ணு. காய் க‌றிக‌ள்ல‌ நெற‌ய‌ப் போயே போச்சு போ!

இப்பிடித் த‌ட‌லையும் புட‌லையும் போட்டு, செற‌ப்பாக் குடுக்குற‌ விருந்து த‌ட‌ல் புட‌ல் விருந்து க‌ண்ணு. த‌ட‌ல் புட‌லா விருந்து, த‌ட‌ல் புட‌லா விருந்துன்னு பொழ‌ங்க‌ப் போயி, அது அந்த‌ விருந்தோட‌ வேக‌த்த‌ச் சொல்லுற‌ மாத‌ர‌ அர்த்தங் குடுக்க‌, வேக‌த்துக்குன்னே இந்த‌ சொல‌வ‌டைங்ற‌து ஆயிப் போச்சு போல‌. செரி க‌ண்ணுக‌ளா, ப‌டிச்சிட்டீங்க‌ல்லோ? இன்னைக்கி வெள்ளிக் கெழ‌மை, வார‌க் க‌டைசி, போயித் த‌ட‌ல் புட‌ல் விருந்துக்கு இப்ப‌வே ஏற்பாடு செய்யுங்க‌. செஞ்சி, உங்க‌ சோட்டாளிக‌ளைத் த‌ட‌ல் புட‌ல் விருந்து குடுத்து அச‌த்துங்க‌!!

நொறுங்கத் தின்றால், நூறு வயது!