தவிப்பு

வலைஞனெனது நித்திரை கலைய
கணித்துயிலும் கலைந்து
அண்டவலை விரிந்தது!

என் பதிவினது ஊட்டுகள் பார்த்தேன்;
காணவில்லை!

விரைவாய் மின்னஞ்சலுக்குத் தாவினேன்;
காணவில்லை!

அவனது பதிவுக்குள் கண்களை ஓட்டினேன்;
காணவில்லை!

அங்கிருந்து பேசுபுக்குக்கு ஓடினேன்;
காணவில்லை!

நேராய் டிவிட்டர் தளத்தில் குதித்தேன்;
காணவில்லை!

கூகுள் பஃசுக்கு விரைந்தேன்;
காணவில்லை!

கூடிக் கும்மியடிக்கும் குழுமத்துக்குப் பாய்ந்தேன்;
காணவில்லை!

வழமைப்பதிவர்களது இடுகைகளுக்குச் சென்றேன்;
காணவில்லை!

தட்சுடமிலின் இன்றைய பலான கட்டுரைக்குச் சென்றேன்;
காணவில்லை!

தினமலரின் புதிய கள்ளக்காதல்ச் செய்திக்கு விரைந்தேன்;
காணவில்லை!

வருத்தமுடன் பிறிதொரு வலைஞனை அழைத்தேன்;
இந்தக் கவலை ஏனடா உனக்கென்றான்!

அவனை எங்கியுமே காணம்;
நம்மளை எல்லாம் உட்டுப் போட்டு
அவன் மட்டும் உருப்பட ஆரம்பிச்சிட்டானோ?!
இல்லே, நம்மளை எல்லாம் உட்டுப் போட்டு
அவன் மட்டும் திருந்திட்டானோ?!